तुझ्या नोटा माझ्या नोटा
टमरेल रिकामा वापर गोटा
चेक नसेल तर डिजिटल हो
चढवून paytm चा फेटा||1||
तीनशे रुपये रोजंदारी वर
काळा झाला बघ पांढरा
तू असाच लाग रांगेत
नेसून इमानदारीचा सादरा||2||
शोध कुठे सापडतात का
घाबरलेला काळाबाजारी
दुय्यम निबंधक,आरटीओ
गुंठामंत्री अन रेतीव्यापारी||3||
लिस्ट अशी ही लांब आहे
तुझ्या मनातील काळ्यांची
सगळे कसे सुटलेत मात्र
भोके मोठी होती जाळ्यांची||4||
असा नको घाबरू मर्दा
लुच्चे होते ते अच्छे आले
हेच ते दीन,बघ बदललेत
60 टक्क्यांवर सच्चे झाले||5||
तुला तरी कोठे होती
हिम्मत जग बदलायची
आता जग बदलले तुझे
कर घाई नोटा बदलायची||6||